Author: Albert Guðbrandsson

Meistaramóti GVS lauk í dag, eftir frábæra keppni og frábæru veðri á lokadegi. ( smá gola var á öðrum og þriðja degi). Mótið fór fram á Kálfatjarnarvelli 26. til 29. júní.

En hér eru myndir af öllum verðlaunahöfum og klúbbmeisturunum Heiði og Helga.

Nú er sumarið loksins að hefja innreið sína af fullum krafti og ekki seinna vænna að fara yfir nokkur atriði varðandi golfleikinn. Mikið af nýliðum hafa gengið til liðs við klúbbinn í vor og um að gera að fara yfir helstu umgengisreglur varðandi golfleikinn, skrifaðar og óskrifaðar. Sigurður J. Hallbjörnsson golfdómari ætlar að vera með kynningu á helstu siðum og umgengnisreglum íþróttarinnar 28. maí kl.19.00 í golfskálanum og hvetjum við vana sem óvana til þess að mæta.

Mót hjá GVS

Wendel mótaröðin er innanfélags mótaröð. Mótin eru 7 talsins og telja 4 bestu til verðlauna. Mótin eru punktamót með forgjöf. Verðlaun fyrir flesta punkta í hverju móti. Sigurvegari ársins hlýtur frítt árgjald í GVS fyrir árið 2025. Mótin í Wendel verða ekki leikin til forgjafar, en að sjálfsögðu geta spilarar sjálfir skráð inn sitt skor til forgjafar eins og hvern annan hring!

Skráning í Golfboxinu daginn fyrir mót.

Bikarkeppni – haldin verður forkeppni 25. maí þar sem allir þátttakendur spila höggleik með forgjöf, 8-16 lægstu skor halda svo áfram í holukeppni. Dregið í þær viðureignir að mótinu loknu og svo koll af kolli þar til úrslit liggja fyrir í lok sumars.

Skráning í Golfboxinu fyrir 24. maí kl. 20:00.

Einnig minnum við á skemmtilegasta mót ársins – Meistaramótið sem haldið er í lok júní. Mótið er fyrir ALLA, því mótinu er skipt í flokka eftir getu.

Æfingasvæði

Boltavél á æfingasvæði opnar um leið og við fáum golfbolta sem ættu að koma í hús fljótlega. Fatan mun kosta 400 krónur og þarf að kaupa pening í vélina í golfskálanum.

Félagsstarf

GVS félagsmenn ætla að hafa opið félagsstarf á mánudögum, konur í GVS hittast í golfskálanum kl 18.00 og spila saman golf.

Karlar hittast kl 18.30 og fara síðan út á völl á eftir konunum og spila saman golf.

Allir kylfingar í GVS velkomnir.

Félagsmenn eru hvattir til að mæta og taka þátt í skemmtilegu félagsstarfi. Njótum samveru, kynnumst og höfum gaman á golfvellinum.

Golfskálinn er opinn að öllu jöfnu frá kl. 10-21 á virkum dögum og frá kl. 9-16 um helgar, þó gæti opnunartími breyst vegna veðurs.

Félagsmenn sem ekki hafa greitt gjaldfallna greiðsluseðla fyrir árgjaldinu verða gerðir óvirkir á golf.is 1. júní nk. og svo teknir af félagsskrá 15. júní.